أحفاد بني معروف


أحفاد بني معروف

واحة من ثقافة بني معروف
 
الرئيسيةالبوابةاليوميةس .و .جبحـثالتسجيلدخول
المواضيع الأخيرة
» ان لله وان اليه راجعون
الإثنين فبراير 27, 2012 11:58 am من طرف smeer

» طارق العيسمي نائب للرئيس شافيز
السبت أكتوبر 22, 2011 11:26 am من طرف داني بوعمار

» إنضموا إذا بدكن :]
الأحد أكتوبر 16, 2011 11:38 am من طرف Y a R a

» لبو ندائي يا اهل النخوة....
الأحد أكتوبر 09, 2011 5:19 am من طرف جلنار الربيع

» اين انتم يا احفاد بني معروف
الجمعة سبتمبر 02, 2011 10:38 am من طرف معروفية أصيلة

» كيف تحمين قلبك من أن يعيش وهما قد يسمى حب؟
السبت أغسطس 20, 2011 3:21 pm من طرف جلنار الربيع

» سجل حضورك اليومي بااسم دوله او مدينه تحبها
الجمعة أغسطس 19, 2011 7:09 am من طرف بوح الربيع

» تعملت ل محمد الماغوط
الجمعة يوليو 29, 2011 1:47 pm من طرف amera

» تغريم زوجين بسبب اجبار خادمة على الركوع مئة مرة!!!!!
الجمعة يوليو 29, 2011 12:40 pm من طرف ابو قمر

» بيتزا الجبنه
الثلاثاء يوليو 26, 2011 12:50 am من طرف arwa

» نكت خفيفة
الإثنين يوليو 25, 2011 2:18 pm من طرف ابو قمر

» الدجاج المحشي بالأرز واللحم
الخميس يوليو 14, 2011 7:25 am من طرف abo rayan

»  أنت مطرود من العمل
الأحد يونيو 19, 2011 6:51 pm من طرف سامي عطالله الكوكاش

» كلمــــــــــــــــــــــــــــة حــــــــــــــق ...
الأحد يونيو 19, 2011 3:37 pm من طرف داني بوعمار

»  لماذا سورية؟؟؟ ..
الأحد يونيو 19, 2011 3:21 pm من طرف داني بوعمار

» .. بيتزا الخضار الرهيبة
الثلاثاء مايو 24, 2011 2:11 pm من طرف rahaf atta

» دجاج بالجبنة البارميزان .. مع الاسباجيتي
الثلاثاء مايو 24, 2011 2:01 pm من طرف rahaf atta

» الرحى تزف عريسها الشهيد : صفوان حسان
السبت مايو 07, 2011 6:13 pm من طرف سامي عطالله الكوكاش

» حرمون ـــ جبل الشيخ
الخميس أبريل 21, 2011 4:50 pm من طرف سامي عطالله الكوكاش

» قصيدة الام التي طالما أبكت من قراها
السبت أبريل 16, 2011 6:09 am من طرف جلنار الربيع

» جُب النبي يوسف (ع)
السبت أبريل 16, 2011 6:01 am من طرف جلنار الربيع

» بمناسبة عيد الام ... أم سليم الأم الطيبه ؟؟؟
الخميس أبريل 07, 2011 6:21 am من طرف ماجد العيسمي

» المطرب : راغب علامه وزيرا ؟؟
الأربعاء أبريل 06, 2011 8:04 pm من طرف سامي عطالله الكوكاش

» قصة الإسكندر المقدوني مع الخضر(ع)
الثلاثاء أبريل 05, 2011 7:45 pm من طرف سامي عطالله الكوكاش

» بوغاتي تقرر انتاج غاليبيه
الثلاثاء أبريل 05, 2011 7:13 pm من طرف سامي عطالله الكوكاش

» خفايا ثورة الفتنة على سورية وفضائحها
الثلاثاء أبريل 05, 2011 7:10 pm من طرف سامي عطالله الكوكاش

» قصة مخيفة و مضحكة
الثلاثاء أبريل 05, 2011 6:59 pm من طرف سامي عطالله الكوكاش

»  اللزقيات...........
الثلاثاء أبريل 05, 2011 6:47 pm من طرف سامي عطالله الكوكاش

» ONE TIME
الثلاثاء مارس 29, 2011 6:58 am من طرف arwa

» Your Climbing Photos
الخميس مارس 24, 2011 3:00 pm من طرف حازم صعب

أفضل 10 أعضاء في هذا المنتدى
Y a R a
 
معروفية أصيلة
 
همس الحنين
 
حازم صعب
 
سامي عطالله الكوكاش
 
المهاجر
 
عاشق السويداء
 
إيهاب صعب
 
جلنار الربيع
 
arwa
 

لا تتحمل إدارة موقع ومنتديات أحفاد سلطان مسؤولية حول المواضيع المنشورة لأنها تعبر عن فكر و رأي كاتبها


شاطر | 
 

 مسرحيه من تاليف الاحفاد بدنا همتكم يا شباب

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
amera
المدير الـعـام
المدير الـعـام
avatar

انثى
عدد المساهمات : 278
نقــاط : 390
التقييم : 40
تاريخ التسجيل : 11/04/2010
المهنة : ........
المزاج : الحمدالله

مُساهمةموضوع: رد: مسرحيه من تاليف الاحفاد بدنا همتكم يا شباب   الخميس يناير 27, 2011 6:08 pm


اي يا اخي حازم معك حق لازم نفكر بالشاره شو لكان ابيسواش

وما النا غير الاخ كنان يتحفنا بشي قصيده من قصايدو الجميله

بعدين وين صبايا المنتدا .....منتمنى يتحفونا بشي مشهد حلو


تحياتي للجميع وكل الود والاحترام

الرجوع الى أعلى الصفحة اذهب الى الأسفل
كنان سيف
مشرفــ
avatar

ذكر
عدد المساهمات : 140
نقــاط : 214
التقييم : 20
تاريخ التسجيل : 08/05/2010
العمر : 32
المهنة :
المزاج : غير شكل

مُساهمةموضوع: رد: مسرحيه من تاليف الاحفاد بدنا همتكم يا شباب   الجمعة يناير 28, 2011 4:17 am

*********
*****************

والله ابشرو ...الفكرة ببالي.... بس إخت أميرة مارح يكون مشهد حماسي.. لأني عبفكر بمشهد رومنسي .... وراح يطلع أهيب من وضحة وابن عجلان.... بس بدي ااستنى لشوف على مين بدا ترسى (زليخة) لأعرف عن لسان مين بدا تكون القصيدي ((( منشان البنت)))
. بس أني شايف هالشغلي كبرت!!!!!!
بلشنا بمسرحيي...... شوي صارت مسلسل...... وبعد شوي راح تقلب عمل سينمائي..
صرت اهكل هم وين راح نلاقي كواليس توسع كادر هالعمل الضخم.. ههههه
وشو ماكان أكيد بتجننو

------ --------
________________

لو غاب راعي الثوب عن أهله غدا .... الــروح ترجع خاشــعة بثاني عمـــر
هــذي شــريعة دنيتي من المبتــدى .... دستور ربعي عبرته (حكمي) وفخر
قالــه جـــدودي: عـــزّنفسك توجــدا .... واني حفيـــد امجادهـــم أهـــل العبــر

*************
********
الرجوع الى أعلى الصفحة اذهب الى الأسفل
حازم صعب
مشرفــ
avatar

ذكر
عدد المساهمات : 1950
نقــاط : 3147
التقييم : 100
تاريخ التسجيل : 13/03/2010
العمر : 30
المهنة : ميكانيك
المزاج : رايق رغم الهموم

مُساهمةموضوع: رد: مسرحيه من تاليف الاحفاد بدنا همتكم يا شباب   الجمعة يناير 28, 2011 4:47 am

هههههههههههه المطارح واسعة خي كنان هههههههه بتدبر ولو بناخذها على هوليود وبننتج المسلسل ههههههههههه
الرجوع الى أعلى الصفحة اذهب الى الأسفل
http://[URL=http://www.4shared.com/photo/7aEgRBI2/20040306-1.htm
Anas Abu Saab
أهـل الـد ا ر
أهـل الـد ا ر
avatar

ذكر
عدد المساهمات : 4
نقــاط : 4
التقييم : 0
تاريخ التسجيل : 18/02/2011
العمر : 32
الموقع : uae
المهنة : CAMERAMAN TV
المزاج : رايق هوانا

مُساهمةموضوع: رد: مسرحيه من تاليف الاحفاد بدنا همتكم يا شباب   السبت فبراير 19, 2011 7:17 am

طبعا منشكر
كل الشباب الي شاركو بهالمسرحية الي صارت عمل تلفزيوني على قولة ابو بحر
وانو قدرنا نحكي بفكرة قديمة شوي ونكبرها ونعمل منها هالاحداث كلها
ونحنا ما بدنا نخلص القصة بس الي كتبتو اني بيجي بالحلقة الاخيرة من القصة تبعنا



طبعا نحنا ما جينا على سيرة السيد جديع الملقب بابوزليخة لانو مسافر في لبنان وعبيشتغل مع شب من المدينة

بالنجارة ومنتابع القصة من عند ام زليخة

ترسل ام زليخة خبر لابن اختها هزاع لكي يأتي اليها لتخبره بما يجب فعله

وتستعد لذلك

ام زليخة : تدخل الباكة وتحاول امضاء الوقت منتظرة قدوم هزاع

هزاع : خااالتي يا خااالتي

ام زليخة : فوت يا عيوني اني بالباكة تعال جاي

هزاع يدور ي خاطره : اف شو في بالباكي اسا بدها تحملني شي كيس مركز يلعن اخت هالشغلي واني جاي

متحمم وراشش كلونيا قال

لو عارف هيك ما جيت .

يدخل هزاع الى خالته

ام زليخة : ولك ليش اتاخرت من ساعة بعثتلك خبر

هزاع : اه يا خالتي ما كان عندي طلب ولو شو بساوي يعني

ام زليخة : ولك تظرب بهالشكل اسا اوان الطلبات والبنت بدها تروح من ايدك

هزاع : لا ياخالتي بعيد الشر باخذ روحو الي بياخذها مني ولو

ام زليخة تخاطب هزاع بحنية : ياقلبي انت اني مش شايفة زليخة غير الك

واني لو ما بدي مصلحتك ما بقلك ياعيني هالحكي

هزاع بتتطلعلو اشارة تعجب على وجهو وبرد : تسلميلي يا خالتي شو بحبك

ام زليخة : يالله يا خالتي روح لعند اهلك وخبرهن ولازم تجو بسرعة قبل ما تقع الفاس بالراس ونتحسر بعدين

هزاع : طيارة يا خالتي رايح خبرهن عيني خير

وبفل هزاع لعند اهلو والدنيا مش واسعتو

بهالاثناء بشوفو لهزاع جارو لابو نواف وهو طالع من دارخالتو مبسوط

وبقول والله في إن هالموضوع وبظل بوجهو لعند دار ابونواف

جار ابو نواف الملقب بابوصالح : يااابو نواف

ابو نواف : تفضلوووووووووووو

ابو صالح : زاد فضلك لا بديش فوت لجوا بدي سلم عليك بس من هون وفل

ابو نواف وفي سره يهمس : الله يجيرنا كنو جاي يطالبنا بهالدينات منكون اكلناها ( طبعا اجا ببالو هيك لانو ام نواف حكت قدام ام صالح انو بدها تجوز نواف وقلك الله هالجماعة صار معهن فلوس ) المهم

ابو نواف : تعال جاي يازلمي على المضافي

ابوصالح : لا ياخيي مش مستمهل بدي روح

ابو نواف اجا وجاب معو براد هالقهوة وياهل ويسهل

ابو صالح : ليك يا خيي انترا اني بس شفت هالشغلة قلت لازم تعرف

ابو نواف قاطعه بالكلام : خير ولك يا خي قطعتلي خشبي شو في

ابو صالح : اي يازلمي شوباك مثل الحريم دغري بتخاف افهش شي من الي بالي بالك

ابو نواف : دخل جريك ياخي جبتلي الضغط انطوق شو في

ابو صالح : شفتلك هزاع طالع اسا من دار خيك والدنيا مش واسعتو

ابو نواف : مين , مقصوف العمر هزاع

ابو صالح : اه هزاع بس حسيت انو في شي انترا قلت لاجي خبرك بما انو خيك مش هون شو افش زلم بالعيلة يعيني
ابو نواف : الله يكثر خيرك ويديم غيرتك خي بوصالح , بس ما بكون في شي يعني الولد عند دار خالتو امر طبيعي
ابو صالح : ابعرفش خيو بس اني شامم ريحة مش كويسة .يالله بدك شي

ابونواف : وين ياخيي مقعدناش بعدنا ذوق على مهلة (هيك بسمعها بس ما بعرف اذا هيك بتنكتب ) المهم فل ابو صالح
ولعب الفار بعب عمكن ابو نواف وقرر انو ياخذ ام نواف ونواف ويروح على دار خيو.

في هذا الوقت هزاع كان مخبر اهلو وعبجهزو حالهن ليجو على دار ابو زليخة

راح شوية وقت وينتقل بنا المشهد الى منزل ابو زليخة لنرصد ما سوف يحدث فجأة ( والله يجيرنا من ساعة الغفلة )
مشهد من جانب البيت يتجه بحركة خفيفة ليرينا الطريق

لنرى ابو زليخة عائدا من لبنان وعلى كتفه حقيبته وفي يده كيس من الخبز الكعك البناني

يصل ابو زليخة باب منزله

(على فكرة ابوزليخة صاحب نكتة وبحب يعمل مقالب باهل بيتو ) بوقف بباب البيت وبلف حرامو على بوزو ليغير صوتو وبينادي

ابو زليخة : يا اهل الدار يا صحاب البيت

زليخة تسمع الصوت من جوا : ماااااااااااان مااان بالباب

ابو زليخة : اني من الشرطة وين بيك يابنت (طبعا زليخة من قلة مروتها بعدها ما وصلت لبرا وشافت مين )

وصلت زليخة وانصعقت بالموقف .

هنا تاخذنا الكاميرا بمشاهد على العيون التي ترقرق بالدمع والمليئة بالفرحة . وبعدها يركض الطرفين ويتعانقان

وابو زليخة يردد قائلا : ياتقبريني يازليخة ولك كبراني وحلياني يقصفش ذينتك شو محلوي

زليخة : ياحيالله يابي اشتقتلك ولو ليش هالغيبة كلها

طبعا وبهالاثناء بتطلع ام زليخة وهي مبسوطة برجعة الغالي عمود البيت

بس بقلبها خوف من الي بدو يصير لانو ابو زليخة اجا مثل القضا المستعجل ومش مخبر حدا

ام زليخة : هلا بالغالي حيالله بعمود بيتي ومن هالحكي

ابو زليخة بنظرة اشتياق لايفهمها سوا الرجل وامرأته قائلا : ولك متغيرة ياحرمة شو عاملي( روجين) يعني

. طبعا سمعانا بالبنان بس يمكنو سمعانها غلط .

وبتعرفو هون بتصير كلها مشاهد حميمة بين اهل البيت وكلام واسالة .

ابو زليخة قال بدو يفوت يتحمم على بين ما يجهز الغدا

وزليخة بتفتح كيس هالكعك وبقروش كعك . شوي ما بيسمعولكن غير صوت عبنادي من برا
.
مشهد سريع لبرا اف اف هذول دار ابو هزاع جايين

ابو هزاع : يا ام زليخة

ام زليخة قبل ما ترد بتنهرها لزليخة وبتقلها : فوتي انقبري ضبي كيس الكعك اسا بطير الله لا يكبرك انشالله يالله بسرعة

وبترد ام زليخة على ابو هزاع : يابراي تفضلو يا خي شو عبتستنو لنقلكن هيك يعني ( طبعا مع بسمة

مصطنعة ) تفضلو على المضافي

فاتو هالجماعة وصدمتهن ام زليخة بخبر قدوم ابو زليخة

ام زليخة : يي يا خي بوهزاع اسا بعدو وصل خيك بوزليخة

ابو هزاع : والله الحمدلله على سلامتو ( وفي نفسه يقول شو جابو اسا لعين هالحظ مقدرش يتاخرلو شوي بعد . الله يستر )

طبعا هو اجا ببالو هيك لانهن ما بطيقو بعضهن ابدا لانو في حسسيات قديمة

كل هالوقت وابو زليخة بعدو عبيتحمم لو حمام عريس مش هيك

تهدء الاجواء قليلا ويعم عليها بعض النظرات من قبل ام هزاع وابنها هزاع باتجاه زليخة

نسمع الان اصوات قادمة من الشارع احد يقول لزوجته يالله يا حرمي خفيها شوي . مسيك ايد امك ياولد .

طبعا دار ابو نواف وصلو على دار خيو ابو زليخة

ابو نواف : وين راحو الغانمين

زليخة : يا هلا بدار عمي حيالله تفصلو

ام زليخة : الله لا كان جاب الغلا ( تقول بنفسها ) اهلين بسلفي اهلين

ويدخلون الى مضافة ابو زليخة ويلتقو بدار ابو هزاع
بعد السلام

يجلس ابو نواف مقابل ابو هزاع وتحدثون عن شو انت بدك تزرع السنة وانت شو بدك تسقي ومن هالحكي

وام نواف وام هزاع ومعها اختها ام زليخة يرمقون بعضهم بنظرات وكانها سهام ترما

اما زليخة يا حبة عيني مش ملحقة هزاع ونواف اكلوها بعيونهن

وكل ما يتطلع الاول بالثاني بيجحرو هذيك الجحرة

طبعا يا جماعة انتو عبتستنو ابو زليخة ليخلص حمام . من بشركن انو خلص بس عندو مشكلة . هو بيكره دار ابو هزاع وما بطيقهن بالمرة

المهم لبس اواعيه الزلمي وطلع من باب الغرفة رايح على المضافة

وشوي بتوقف سيارة بيضة قدام باب هالبيت

يا حزركن مين هذا ..................... هذا الشب الي كان معلمو لابو زليخة بلبنان . طبعا كان باقي شوية من
حساب ابو زليخة مع الشب واجا يعطيه اياهن

ابو زليخة : مين عاصم شو هالمفاجئة

عاصم : مرحبا عمي

ابو زليخة : هلا تفضل يا عيوني فوت

عاصم : زاد فضلك يا عمي

وبفوت عاصم على المضافي وبمسي هالحضرين وبمسيكن وبيقعد

وبسلم ابو زليخة على دار خيو ابو نواف وعلى دار عديلو ابو هزاع

وبعد السؤال والسلام بعرفهن على شب المدينة عاصم



طبعا عاصم بشوف زليخة وبتعجبو .
صار عنا ثلاث اشخاص معجبين بزليخة ست الحسن
.

وبعم الصمت للحظات ........
.
والكمالة عندكن
الرجوع الى أعلى الصفحة اذهب الى الأسفل
amera
المدير الـعـام
المدير الـعـام
avatar

انثى
عدد المساهمات : 278
نقــاط : 390
التقييم : 40
تاريخ التسجيل : 11/04/2010
المهنة : ........
المزاج : الحمدالله

مُساهمةموضوع: رد: مسرحيه من تاليف الاحفاد بدنا همتكم يا شباب   السبت فبراير 19, 2011 9:26 am

بالبدايه اهلا بك اخي انس في ربوع منتدانا

بداية موفقه الله يعطيك العافيه وفعلا تطورت الاحداث....بشكل واضح لكن رجعنا عا نفس النقطه مين راح تختار زليخه

ومن سيحضى بقلبها .....يا ترى ابن عمها وتاج راسها

او ابن خالتها يللي امها حابي تجوزها اياه.......او الشب الحضري يلي جاي من المدينه بسياره اخر موديل

نرجو من الاعضاء ان يكملو شو ممكن يصير

الف شكر اخي انس مره تانيه تحياتي لك وكل الود والاحترام

الرجوع الى أعلى الصفحة اذهب الى الأسفل
ابو قمر
معروفي متألــــق
معروفي متألــــق


ذكر
عدد المساهمات : 397
نقــاط : 591
التقييم : 10
تاريخ التسجيل : 14/03/2010
المهنة : تاجر
المزاج : رايق

مُساهمةموضوع: رد: مسرحيه من تاليف الاحفاد بدنا همتكم يا شباب   السبت فبراير 19, 2011 12:18 pm


ابو زليخة بنظرة اشتياق لايفهمها سوا الرجل وامرأته قائلا : ولك متغيرة ياحرمة شو عاملي( روجين) يعني

. طبعا سمعانا بالبنان بس يمكنو سمعانها غلط .


شكرا اخي انس ابدعت يعطيك العافي
ابشري يامديرتنا الغالية طلباتك امر مين بيسترجي يعصا امر مديرو هالايام


ومنبدا

ابو زليخة: ياهلا بعاصم نورت البلد عمي
عاصم: ( بصوت حنون ) تسلم عمي البلد منورا باهلا الحلوين والطيبين ( طبعا مع تذبيلة عيون ثقيلة دم شوي ونظرة لزليخة هون الشباب بتثور ثايرتن وبردو علي ثنناتن سوا بصوت يشبه النهرة او الزئير عيونك الحلوين مع زورة بتهز الجبل)
ابوزليخة : اه عفوا معارقناكنش على بعض هذا عاصم الي بيشتغل معي بالبنان
شب بيفتح العين
وهذول هزاع ونواف وابو نواف ومرتو وابو هزاع ومرتو عديلي وخيي
طبعا ابو زليخة تدرك الموقف لانو فهم عليهن لهزاع ونواف وبيعرفن ثنين مابفكرو غير بعظلاتن خاف على ضيفو وتدارك الموقف
عاصم: ونعم تشرفنا بردو الجميع نحنا تشرفنا فيك اهلا وسهلا على كيس المعازيب
هون عاصم بضب حالو بيستأزن ليفل بعد ماوصل الامانة وحس انو البنت مرتبطة بودهعن وبفل
وبيعتذر عن الغدا بعد ما اصر عليه ابو نواف

وبرجع او زليخة على المضافي بعد ما قلط عاصم لعند السيارة
وهوي عابيغلي من الموقف الي نحط فيه


بفوت على المضافي وبيبتسم بقولا لزليخة لحقيني يابي شوي باشارة طبعا مخفية
بيلطعوا على الغرفة الجوانية بقلا يابيي مجيتن مش لالله اكيد ابو هزاع جاي يطلبك لهزاع
لانو اول مرا بشوفو لابس مثل الاوادم
وعمك ابونواف طلب ايدك نهار حادث هزاع قبل ماسافر بيومين

انت يابيي ياضي عيني شو رايك بنواف بدك ياه حمرقت زليخة وسكتت ولا حرف
وتبسمت وحطت راسا بين كتافا وصارت تطلع بالارض هون تذكر ابو زليخة المثقف انو السكوت علامة الرضا بكيف كثير وبقولا مبروك وبطير على المضافة لينهي الموقف المحرج لانو بيعرف انو اكيد مرتو ورا مجيتن لبيت ابو هزاع بغيابو ليطلوبها قبل مجيتوا وتحرجوا لجوزا

بس يفوت على المضافي ابو زليخة دغري ابو نواف بيفتح الحديث لانو عارف سبب مجيت ابو هزاع
ابو نواف: الحمدللة على سلامتك
ياخيي ابو زليخة نحنا والله جمعتنا هون الصدفة نحنا مش عارفين انك جاي
بس بهالمناسبة الحلوي بدي اسألك بحضور هالغنيمين
شاورت اختي ام زليخة والبنت ميشان طلبي الي طلبتوا قبل سفرك بنهارين
بيطلع با ابو هزاع وبقول اني اسا بحضور هالنشاما بكرر طلب ايد بنتي زليخة لابني نواف
نحنا فش عنا اغلا واشرف منها
ابو زليخة: ابشر اجتك بالثوب الازرق اني شاورت زليخة ونشالله انها موافقة وام زليخة ماعندا اي ما نع لانو نواف غالي عليها كثير طبعا حاولت تقاطعو ام زليخة بس بيرفع صوتو ليغطي وبطلع فيها وبيزورا
بقلن مبروك ياابو نواف البنت اجتكن بالثوب الازرق
هون السكوت خيم على بيت ابو هزاع
ونحرجوا وصارو يطلعوابام زليخة بطرف عيونن
ابو هزاع: مبروك عمي نواف الله يهنيكن بس الحقيقة فاجئتونا الف مبروك
هزاع: مبروك ( وبيزور خالتو بالؤم )
ام نواف : لووولوووولووولوولولللولولولولولولولولولللللللللللللللوللللللللللللللللللللللللللللللللووووووووووليش
وابتسامة( بوجه ام هزاع وام زليخة ميشان يباركولا طبعا سياسه)

هزاع : هات بوسي خيي نواف الف مبروك انت بتستاهلا
انت دمك ماشي بعروقي الله يهنيكن هاي بنت خالتي مثل اختي هه
واسا صارت خطيبة خيي نواف الي دمو بعروقي من نهار الحادث الله يهنيكم ( طبعا بتغرغر عينو بالدمعة من حصرتو على روحة حبيبة القلب سابقا من ايدو
وهون هزاع البطل بكون صلح الموقف وكسب محبة الكل بردة فعلو الغير متوقع وسلامتكن
واترك للاخ كنان وصف المشهد بكلمات منحوته من ذهب كما عودنا دائما
ولكم الشكر
ولا تواخذوني ياربع

الرجوع الى أعلى الصفحة اذهب الى الأسفل
Anas Abu Saab
أهـل الـد ا ر
أهـل الـد ا ر
avatar

ذكر
عدد المساهمات : 4
نقــاط : 4
التقييم : 0
تاريخ التسجيل : 18/02/2011
العمر : 32
الموقع : uae
المهنة : CAMERAMAN TV
المزاج : رايق هوانا

مُساهمةموضوع: رد: مسرحيه من تاليف الاحفاد بدنا همتكم يا شباب   السبت فبراير 19, 2011 3:55 pm

تسلم والله يا بو قمر وبمشاركتك هي صلحت القصة وبينت معادن الشباب الطيبة
بس شو الي عجبك بالتشبيه الي حطيتو
الرجوع الى أعلى الصفحة اذهب الى الأسفل
amera
المدير الـعـام
المدير الـعـام
avatar

انثى
عدد المساهمات : 278
نقــاط : 390
التقييم : 40
تاريخ التسجيل : 11/04/2010
المهنة : ........
المزاج : الحمدالله

مُساهمةموضوع: رد: مسرحيه من تاليف الاحفاد بدنا همتكم يا شباب   الخميس مارس 03, 2011 9:12 pm

يسعد اوقاتكم جميعا كل الشكر للاخ ابو قمر يلي حسم موقف زليخه بانها اختارت الزواج بابن عمها

ومنشان هيك بنا نبدا بالتحضير للزواج

واول شي بنا نكمل بمشهد تلقي ام نواف الخبر ومعالم الفرح تجعلها تزغرد باعلى الصوت وتهاهي

لولولوييييييييييشششششششششششششششش

اويها شيلي براسك يامنشالة الراسي.............اويها لا عيب فيك ولاماقالة الناسي

اويها شيلي براسك لبييك وقليلوووووو ....اويها نحنا ذهب اليوسف مننشال عا الراسي

لولوليشششششش


يملى الفرح المضافه وتتعالى التهاني لهزاع وزليخه ........ويستغل الضرف ابو نواف

ابو نواف ياجماعة الخير خلينا بكربعد الضهر خلينا نروح عا السويدا نشتري الذهبات لعروستنا الغاليه

والخواتم وبعديها منحدد موعد العقد والعرس

ابو زليخه يومي بالموافقه ...على خيرة الله وكما يقل خير البر عاجله

ام زليخه مقهوره وعم تزور بنتها.......لا بكرا لا خليها بعد كم يوم هيك منجيب معنا مونة المكدوس
بفرد مره

ام نواف تجاوب وهيي عبتفكر منين بدو يجيب جوزها المصاري للذهب .......لا يختي بنا نفرح بالولاد بالاول بعدين منفكر بالمونه

ابو نواف يهدا من روع النسوان ....ويومي ل زليخه يللا بكرا يا عمي جهزو حالكم من شان نروح نشتري المحابس والذهب.....وينضر ل هزاع عمي شو رائيك تروح معنا وتاخذنا بالباص طلب

هزاع ينتخي ولو عمي بنا خدمه نحنا الله يهني العرسان ويتمم عا خير


ويستازن باالذهاب ويضهر وهيي الدنيا مش واسعتو من القهر بيحلقوه امو وبييو

وهيك بينتهئ المشهد
والباقي عليكم
الرجوع الى أعلى الصفحة اذهب الى الأسفل
حازم صعب
مشرفــ
avatar

ذكر
عدد المساهمات : 1950
نقــاط : 3147
التقييم : 100
تاريخ التسجيل : 13/03/2010
العمر : 30
المهنة : ميكانيك
المزاج : رايق رغم الهموم

مُساهمةموضوع: رد: مسرحيه من تاليف الاحفاد بدنا همتكم يا شباب   الجمعة مارس 04, 2011 1:50 pm

الله يسلم هل الانامل يا غانيمن فعلا مشهاد حلوة
يالله بتابع من مطرح ما خلصت الاخت اميرة
بيطلع هزاع وبيلحقو بيو وامو وبيركض بيو لعند هزاع بيقلو
أبو هزاع : يا بي خلص ما الكش نصيب بالبنت خلص انساها لزليخة
هزاع : يا بي لكان بتقبل بواحد مثل نزاف وبتركني ألي بشو زايد عني نواف قلي
أبو هزاع : يا بي زلمي أنقذك من الموت ولازم تفدي روحك
هزاع : يا بي يكثر خيرو والله ما قصرش الزلمي بس اني بدي زليخة بس يالله الله يهنيهم
أبو هزاع : أيوا يا بي هيك بدي أياك ما تكنش محتر على شي مش الك يالله يا بي خلينا نروح لى البيت ورح زوجك أحسن منها ما تخفش
بيمشو على ابيت هزاع وبيو وامو
وبالمضافة عند ابو زليخة بيقعدو الجماعة يتباحثو بمواضيع العرس
أبو نواف شو رايك خي أبو زليخة نردهم بأخر الشهر خطبة وعرس سرعة
أبو زليخة : يا خي البنت بنتكم بدك هلق خليها تروح معكم
أبو نواف : لا خي بنانعملهم عرس تسمع فيه البلد كلها واهل السويدا
أبو زليخة : خي أنتوا فصلو ونحن بنلبس والي بدكم اياها ما عندي مانع البنت بنتكم والي بتجيبو: لألهم
أبو نواف : خلص لكان بكرة بيطلعوا النسوان ونواف بينقو الذهبات والجهاز وبنعمل خطبة صغيرة وأخر الشهر نشالله بنردهم
أبو زليخة : على خيرة الله يالله الله يهنيهم ونشفلهم ولادهم
_
_______________________
____________________
______________
التتمة عندكم يا حلوين

الرجوع الى أعلى الصفحة اذهب الى الأسفل
http://[URL=http://www.4shared.com/photo/7aEgRBI2/20040306-1.htm
 
مسرحيه من تاليف الاحفاد بدنا همتكم يا شباب
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
أحفاد بني معروف :: التسلية والمرح :: الفرفشة والضحكـــ-
انتقل الى: